Ka tangihia ngā tini aituā, ngā mate huhua o te motu. He paiao kaniawhea ki runga i Te Tairāwhiti, ā, heke iho ki Te Matau a Māui. Ko tātou anō tērā e matapōrehu ana i ngā hau tipua, i ngā taniwha hikuroa mō kōrua e Api, e Tama.
Kua karangahia kōrua e Tahu Kumea, e Tahu Whakairo kia hau atu ki te tatau pounamu kia rau tāwhirihia e ngā mātua tīpuna. Noho mai rā i te korōriatanga o te wāhi ngaro. Waiho atu te tewe muri ki konei hei hopo, hei haku mō kōrua. Okioki mai rā. [Read more…]